CHRISTY生活雜記

長到冇人睇系列] 2015 大事回顧 (終於打晒SOSAD 腦汁都乾埋

一直諗左好耐打唔打 因為小女子朋友唔多 打咁多都未必有人會睇SOSAD
點都好 我都希望將我呢一年黎玩音樂既經驗打落黎記低
理得你班友睇唔睇 A_A 順便老左留底講俾我班孫聽 (如果我生細路既話SOSAD

打之前帶定頭盔先
1. 所有野都只係我經歷過既野 同韓國音樂界可能會唔一樣 唔好以偏概全你班友仔
2. 接下來既會以我出過既場次作順序 記得幾多就打幾多 SOSAD 畢竟都過左咁耐
3. 小女子文筆唔好 中間可能插勁多冇謂野 睇唔睇隨你A_A

好 開始

先講基本野

1. 2015我總共出左 8場 SHOW. 6場ORCHESTRA 1場WIND BAND。ORCH有5場打TIMPANI 1場打其他野. WIND BAND 都係打TIMPANI ORZ 再加1場傳統樂器show

2. 唔好問我點解打咁多TIMPANI 我都唔太想

3. 6場ORCH入面有 2場係自己學校既ORCH 2場係人地學校做GUEST 2場係幫個指揮出面指既團出

4. 所謂學校既ORCH 其實係類似學校課外活動既一D社團 同佢地學校既音樂系一D關係都冇 所以有D學校練野既時候係連學器都冇 所有野都係靠自己冥想練野 喊出黎

5. 所有既團都係同韓國當地人一齊玩 所以全部都係講韓文

好 而家講出表演之後既後感

1. 第一場係幫自己學校出(西江大) 首先要無限感謝 Roy Chan 既幫助。 因為係佢幫我聯絡我學校ORCH 既前輩 再過五關斬六將先入到去ORZ

2. 由於我學校係連音樂系都冇 所以入面D人係拎我出過既表演既片黎睇 覺得合心水就叫我一齊玩

3.第一場出既曲目有magic flute overture (Mozart) , Symphony No. 8 (Schubert) 同 Concerto for piano, violin, cello and orchestra (Beethoven)

4.由於小女子從細到大都係wind band 黨 所以一開始對呢種大曲目冇乜太大既慨念 都係不停聽歌做marking咁

5. 前面講過 因為學校冇樂器既關係 所以我真。有樂器練既時候係出表演前一星期 唔知係因為出左國冇熟人既關係定點 打野好似比係香港放少少(好似係 同係香港玩既感覺有d唔同 雖然大家唔係音樂系/學左好耐既孩子 但大家都好用心去一齊玩音樂 呢種感覺都係歌曲入面搵到了 自己玩玩下都有起雞皮既感覺 亦都俾大家拉左入隻歌到 a_a 係香港雖然都玩得開心 但同大家一起玩音樂果種凝聚力 大家一齊感受隻歌果感覺係香港似乎搵唔到 投入度呢樣野真係好難講..
小女子文筆唔好 可能我寫唔出我果種震撼感/_\ 總之就唔同啦

6. 第一場之後我對orch有少少咁多改觀啦

7. 第二場都係幫學校出 由於大家都出過一次了 所以默契好似再更好

8. 第二場曲目係 finlandia, 柴五, Caprice Basque

9. 由於柴五 和 Caprice Basque 消耗我太多體力 所以finlandia既TIMPANI 我讓左俾另一個姐姐打ORZ

10. 柴五算係我人生打過最吃力既歌 SOSAD (都話小女子由細到大都係WIND BAND 黨)

11. 第二次同同學一齊夾 今次投入度比上次更高 因為歌既難度其實對大家黎講都算吃力 所以大家都盡300%努力一齊做好場表演

12. 柴五第4MOV 大家出左超嚴重既錯369 好彩最後兜得番

13. 因為柴五呢場表演既關係 我比另一間學校(首爾教大)既指揮睇中左 去幫佢地出表演

14. 呢邊學校ORCH有個聯合群組 當邊間學校出表演唔夠人 就會係入面吹雞搵腳幫手 我就係入面搵左一間(東國大) 去幫佢地出表演

15. 東國大既曲目有卡門組曲 貝六 WILLIAM TELL 今次終於唔洗打TIMPANI打CYM~

16. 東國大果場因為請好多GUEST SOSAD 所以其實大家都好散修修 D歌都係硬玩出黎(對唔住啦東國大既親們 但真係唔係好得ORZ) 情況有D似係香港出SHOW咁ORZ 所以對我黎講滿足度唔高 但係入面就識左個前輩 個前輩介紹左我入韓國當地既WIND BAND

17. 講反教大先 話說未搵我之前 教大既團長就係群到吹雞R TIMPANI腳 我學校既團長見到就推薦我出去 教大果邊就話 "係咪真係得架?" 團長就同佢講叫佢黎睇我地出柴五就知~咁佢地指揮同團長就走左黎睇 咁睇完之後佢地又話唔錯咁 就主動黎搵我幫佢地手出表演

18. 唔係賣花讚花香 我覺得柴五都算係我人生打得最好既一隻歌黎既 (好似係

19. 教大果邊因為有TIMPNAI練 所以有多D時間同佢地夾到 默契比西江既同學高D

20. 我係教大識既朋友比係西江識既多 有時我會覺得我先至係教大既人SOSAD

21. 教大既歌目有Symphony No. 8 (Schubert) ,DOLLY, HUNGARIAN DANCE NO 1, CHRISTMAS FESTIVAL

22. 聖誕歌我掉轉都識背

23. 某幾首以經玩過 所以有D慨念 但指揮要求唔同左 有一度我練到好_燥

24. 呢邊請GUEST 老師級係收錢 學生級係收好人卡(屎打北卡) SO FAR我收左3張 但張張都淨係韓國地區ONLY SOSAD

25. 指揮太愛我既關係 所以叫我幫佢出多2場 一場係教大既老師BAND 一場係佢出面教果間小學既ORCHESTRA

26. 老師BAND 曲目有 NEW WORLD SYMPHONY, CHRISTMAS FESTIVAL同SLAVONIC DANCE (另一隻冇野打所以唔記得左

27. 老師BAND由拎譜起手到出表演得一個星期 雖然呢種情況係香港食生菜咁食 但對WIND BAND 黨既我黎講我要多D時間消化每隻歌 所以果一星期我淨係聽NEW WORLD SYM 聽到我快精神分裂

28. 然後我出表演中間飛棍落鼓面了 369

29. 相處時間太少所以滿足度黎講未算好高 雖然玩大作但玩完都係好似發左場夢咁SOSAD

30. 小朋友ORCH方面 呢到D細路細細個D鋼琴彈到曉飛咁 安已不

31. 由於有鋼琴底 打野班細佬都算有D慨念打野都算唔錯

32. 指揮介紹我既時候係話 "呢位係好討厭細路既CHRISTY 老師" 369

32. 我討厭小孩

33. 但班細路好鐘意我 點搞SOSAD

34. 指揮成日叫我唔好反香港SOSAD 但我其實唔太喜歡玩ORCH 重申無限咁多次 我係WIND BAND黨

35. 有留意我動向既人(應該冇)會知我9月開始學緊韓國既傳統樂器 - 四物遊戲

36. 點解會學呢 話說想當年節青出濟洲TOUR 我第一次玩四物遊戲 果陣冇人教點玩果舊野所以一直都係9玩狀態 直到去到果邊先有真。玩四物遊戲既人教我玩 唔好睇舊野好似好易 每個落點既打法打出黎都唔同 果陣我只得幾個鐘時間學識打佢 最後打得到俾老師讚果下我真。崩潰大喊 Lowb Jai Carol Karen Yu​ Angela Cheung​ 你地都衝埋黎同我一齊喊果下我都仲好記得QAQ 至此我就一直對呢舊野耿耿於懷 難得走過黎韓國就唔好錯過搵機會學佢啦

37.韓國既國樂院有提供短期既課程俾留係韓國既外國人去學玩傳統音樂 除左鼓之外都仲有乜琴乜琴學

38. 韓國樂器打法同西敲有D唔同 成日都俾老師捉錯手QAQ

39. 由於學傳統野果段時間同時出緊上面一系列既表演 基本上對手冇休息過 有一個月時間其實我隻左手完全舉唔起打唔到野 老師見到我舉唔起手就叫我唔好再打仗鼓住轉玩其他鼓 而家左手都仲有少少唔太舒服 不過已經好好多了

40. 出完表演之後同傳統樂器老師傾過 想KEEP住過黎韓國繼續學(香港音樂界似乎未有樂手專傳統韓敲?_?) 老師亦都鼓勵我咁做 所以我會KEEP住過黎

41. 會搬個鼓反黎香港

42. 由於我仲係小薯仔階段 所以叫我玩/叫我示範/叫我教 呢類野我都唔會答應 等我學多年左右先再算

43. 但我答應左 Anna Fan​會同佢分享係呢邊學傳統野既小心得

44. 師已拜 係韓國四物遊戲樂手既名師

45. 出面WIND BAND方面 面試第一句俾佢地問係香港是咪MAJOR MUSIC 當時我答唔係既時侯 佢地對眼閃左一絲睇唔起我既眼神 其實我有點嬲嬲豬 業餘就唔俾玩得好? 跟住出去試打歌啦 SIGHT READING 打得到就問你點解會打到SOSAD 拿 六八拍九八拍呢D轉無限拍子類既歌係香港都玩唔少 (嗚謝 Danny Lam​ Yip Chun Kit​ ) 其實就真係唔太難.....我都唔知點答好 所以我淡淡回佢 "數拍子咪打到..."

50. 可能係我玩果個BAND規矩係咁啦..邊個玩咩叻就玩邊樣 首席就一定係打TIMPANI咁樣 其實香港好多BAND應該都係咁 不過小女子見識淺薄 我玩開既都係大家輪住玩唔同既PART (因為係大家一齊分譜369) 我比較喜歡呢個模式 話晒都係PERC人 應該種種野都要打吧 玩死一樣係可以KEEP住打出黎既質素好 但就悶D咁囉 我唔喜歡

51. 又可能係我玩果個BAND規矩係咁啦 指揮好鐘意玩D好嘈既歌 隻隻都爆BRASS 明明收尾唔應該大聲都要打到3個FFF果D咁/_\ 耳仔好痛呀

52. 打呢D歌就代表勁野/出位/西飛利咩我又唔覺/_\

53. 首席叫我代佢打果陣我心入面響晒粗口

54. 其實我都識打野既 唔洗眼金金望住我驚我會打錯咁 有D壓力呀首席

55. 出表演果陣先發現只得兩個鼓用

56. 打打下棍頭飛左出去/_\又要再買棍

57. 總結黎講我同佢地團唔夾

最後小心得啦 都睇到呢到唔差在睇埋落去

1. 多謝 ANNA一直推我叫我衝出香港睇睇呢個世界 好啦我終於做到啦A_A

2. 多謝 Roy Chan​ 幫我開左個靚頭 冇你我今趟旅程就冇咁豐富

3. 多謝係呢邊識到既前輩同朋友 同你地一齊玩音樂好開心 好似做反自己咁 希望反到香港可以KEEP住落去

4. 雖然玩左好多ORCH 但我最喜歡既都係WIND BAND

5. 玩極都係TIMPANI 我好怕反香港唔識打野SOSAD

6. 之後可唔可以唔再接TIMPANI既歌?_? 我而家見到都有D驚...

7. 仲有冇團要PERC? 我反香港可以直接開爐玩 (最好唔洗打TIMPANI既..

8.根據我非正式統計 我唔紮頭髮出既表演都會發生突發野SOSAD所以如果下次見我唔紮頭出SHOW可能係我唔喜歡你果團 (笑

9. 好想買棍 反香港要買買買

10. 有人問我要唔要係到讀U 唔啦 好貴呀

好啦 大慨就係咁啦我既2015年 睇到呢到既朋友 等我反香港攬攬你先SOSAD 咁神心睇我打一大堆廢話 #HOHO# CHRISTY好快就反香港啦 到時香港練野見啦~

-完-